डॉ.धोंडोपंत मानवतकर यांचे
आकाशवाणीवर काव्यवाचन
https://youtu.be/2NA6XN9aaUA
औरंगाबाद आकाशवाणी केंद्रात ध्वनी मुद्रण प्रसंगी टिपलेल्या डॉ.धोंडोपंत मानवतकर यांच्या काव्यवाचनातील काही निवडक भावमुद्रा....
 |
| काव्यवाचन करताना- डॉ.धोंडोपंत मानवतकर |
मराठवाडयातील सुप्रसिद्ध कवी, साहित्यिक डॉ.धोंडोपंत मानवतकर यांचे आज दि.२२ ऑगस्ट रोजी आकाशवाणी औरंगाबाद केंद्रावरून सायंकाळी ठीक ६:३५ वाजता "साहित्य सौरभ" या मालेत काव्य वाचन होणार आहे.
" एफ.एम.101.7 आकाशवाणी औरंगाबाद सर्व जनात सर्वांच्या मनात " ही आकाशवाणी औरंगाबाद केंद्राची निर्मिती असून हा कार्यक्रम महाराष्ट्राच्या सर्व आकाशवाणी केंद्रावरून प्रसारित होणार आहे.
हा कार्यक्रम प्रत्यक्ष रेडिओवर किंवा NewsOnAir ही App डाऊनलोड करून ऐकता येईल.
मंठा येथील कवी डॉ.धोंडोपंत मानवतकर हे कवी, लेखक म्हणून महाराष्ट्राला परिचित आहेत. त्यांचे अंतरसाक्षी, रुपांतर, ओढाळ सुरांच्या देही, व लोकशाहीचा जाहीरनामा हे कवितासंग्रह प्रकाशित असून विद्रोही साहित्याचा निर्माता, व काव्यप्रभा ही पुस्तकेसुद्धा प्रकाशित आहेत. मंठा, जि. जालना येथील आविष्कार साहित्य मंडळाचे ते संस्थापक, अध्यक्ष असून गेली ४० वर्षापासून ते लेखन करतात व तीस वर्षापासून आविष्कार साहित्य मंडळाद्वारे वाङ्मयचळवळ चालवतात.
अनेक कविसंमेलनाचे अध्यक्षपद त्यांनी भूषविले असून विविध कविसंमेलनात व शिबिरात त्यांनी निमंत्रित कवी म्हणून सहभाग नोंदवला आहे. लेखक, कवी, पत्रकार, चित्रकार, संपादक, प्रकाशक व सामाजिक कार्यकर्ता अशा विविध माध्यमातून त्यांनी आपली ओळख निर्माण केली आहे. महाराष्ट्रातील ग्रामीण कवींच्या कवितेवर संशोधनपर ग्रंथ विद्यापीठात सादर करून कवितेवर पीएच्.डी ही उच्चविद्याविभूषित पदवी प्राप्त केली आहे.
कोणत्याही टिप्पण्‍या नाहीत:
टिप्पणी पोस्ट करा